An der Catégorie „Sixties“ 1ten Präis fir den 190 SL vum Club Präsident:

Jean-François ZIMMER:

Et as schon e speziellen 190 SL fir mech. Bis Enn 1979 as en vu mengem Monni gefuer an versuergt gin, dono huet en Sammler en iwer 42 Joer gudd „conservéiert“ ouni dermat ze fueren. Merci un hien dass ech en 2021 konnt zreck kafen. An e grousse Merci un de Michael Bisdorf deen en saitdem lues a lues erem technesch an d’Liewen zreckgeholl huet, ouni seng Originalitéit an Patina ze veränneren. Geschter nach drun geschafft, an haut war, no 47 Joer „Absence vun der Strooss“, sain 1. Optrett am Kader vum flotten Event Elegance & Power vum Rotary Esch am Parc zu Mondorf. Di grouss Iwerraschung war den 1. Prais an der Kategorie Sixties, well en esou original as an sait senger Ausliwerung am November 1959 emmer zu Letzebuerg war

Photos: Georgian GEORGESCU, Christophe REFFAY & Manuel LANGE